RABATTODAYأخبارهنالرئيسية
هند العشابي.. قصة سيدة رباطية اخترقت الخليج بجسدها وذكائها
الرباط اليوم
هند العشابي، 42 سنة، مضيفة الطيران سابقا و سيدّة الأعمال المشهورة حاليا
قصة هاد السيّدة اللي معروفة بزاف فالمشرق و فأوساط الأثرياء هنا فالمغريب قصة تستحق أن تروى
هند تنحدر من عائلة بسيطة جدّا، قرات فمعهد خاص لمضيفات الطائرة و خدمات فطيران الخليج واحد المدّة قصيرة، لكن بالدهاء ديالها إستاطعات دير شبكة علاقات مع شخصيات سامية و أمراء خليجيين.
جمالها الخلاّب و تمكنّها من اللغات يسّر ليها الأمور بزاف، إنسانة ذكية تعرف من أين تؤكل الكتف.
فعام 2000 غادي تخدم كمضيفة فالطائرة الخاصة لولي العهد السعودي أنذاك الملك الراحل عبد الله بن عبد العزيز، و غادي تعرّف على خالد التويجري كبير مستشاري الملك السعودي.
غادي تقرّب منّو و تصاحب معاه، و خصوصا أن خالد التويجري غادي يطلع كراد فاش غا يولّي عبد الله ملك للسعودية، و غا يولي هو رئيس الديوان الملكي و بذلك هاد السيد غا يكون أول واحد فالسعودية من خارج الأسرة الحاكمة تيوصل لهاد المنصب الحسّاس.
خالد التويجري تيقول على هند فتصريح مسرب أنه كانت القح.. ديالو المُفضّلة، زوينة و ذكية و منظّمة فوقتها.
هاد العلاقة اللي غادي تدوم أكثر من خمسطاش لعام، غادي تنتهي بسقوط خالد التويجري و إقصاؤو من طرف الملك الجديد سلمان اللّي جرّدوا من جميع الإمتيازات وو جمدوا الأرصدة ديالوو فرضو عليه الإقامة الجبرية حيت حصّلوا عليه شي خواض منها الإستياء على ملايين الدولارات و تهديد أمن العائلة المالكة.
هند العشابي فهاد المرحلة اللي كانت مصاحبة فيها مع خالد التويجري، غا تعرّف على أحمد الأسدي الزوج الأول ديالها ف 2007، هاد الزواج اللي ما دامش حتّا شهر، طلّقها و هي حاملة، هي اللي طلبات الطلاق، لأن أحمد الأسدي كان مورّط فميريكان فتزوير حسابات بنكية و بطاقات إئتمان و تحكم عليه بخمس سنين حبس ف 2011.
فنفس العام 2007و هي حاملة غادي تعرّف على محمد صادق معرفي الدبلوماسي الكويتي و اللّي كان الممثل الدائم للكويت لدى الأمم المتحدة فجنيف.
السيّد عجباتو و عجبات حتا عائلتو و خصوصا الواليد ديالو، و هاكدا غادي تضرب هند التزويجة الثانية ديالها فنفس العام و غا تخلّص من الجنين ديالها.
هاد التزويجة اللي غا تكون فاتحة خير عليها، السيد السفير غادي يعاونها ف 2008 باش دير شركتها المعروفة الهولدينغ داليا للتنمية ، المختصة فالعقار و السياحة و الطيران السياحي ديال الشخصيات لكبار.
ف 2010 غا تخلق شركتها الثانية داليا للطيران، الشركة الي بدات بثلاثة ديال الطيارات صغار من صنع برازيلي و 14 بيلوط تكوّنوا فأحسن المدارس فسويسرا و فنلندا.
الخدمة ديالها هو توفر الراحة لرجال الأعمال الخليجيين و المغاربة فتنقلاتهم الشخصية.
هند العشابي كبرات فعالم المال و الأعمال، و دارت سميتها فالسوق و ولاّت تتلعب فالملايير.
الموشكيل اللي عند السيد السفير مع هند، هو أنها دائمة التنقل من فيينا للرباطـ و قليل فين تيتشاوفو بحكم العمل ديالهوم بجوج، حتا ولدات ليه البنية الأولى ف 2015 فنيويورك، السيّد دخلو الشك، لكن كمدّها فقلبو و قال واقيلا ضربت لصقتْ، لكن تزيد ليه بنت هاد العام عاوتاني لاّ، تربّج مزيان و شكّ فيها ربما تكون تتلعب موراه.
الحمل الأخير ديالها حاولات أنها تحيّدو عند جينيكولوغ، لكن ما نجحش لأن الحمل وصل لمراحلو الأخيرة و البنت تزادت فسبع شهور.
السي صادق معرفي تزاد معاه الزايد و قرّر يحطها تحت المراقبة، سيفط ليها البركاكة يحضيوها، و هوما يجيبو ليه لخبار سخونة، السيّدة تتلاقا واحد رجل الأعمال مغربي معرووف هنا فالمغريب سميتو مُحسن كريم بنّاني من عائلات الباء المقدّس العريقة فلبلاد و مليارديرخانز فلوس، حتا هو تيخربق فالعقار و السياحة و خصوصا الطيران العشق المشترك بينو و بين هند.
هو كان دار شركة غا تصنع طيارات خفاف للإستطلاع وغا يبيعهم للدرك الملكي و القوات المسلّحة، و بغات تعاون معاه هند باش يصايب ليها طيارات شخصية للشخصيات المهمة.
الموهيم السيد السفير دار شكاية لوكيل الملك هنا فالرباط، و تحطّات تحت المراقبة، و تمنعات من مغادرة التراب الوطني.
نهار 2 يوليوز بغات تشدّ الطيّارة ديالها من مطار الرباط باش تمشي لفيينا و هوما يقرقبو عليها واخا عندها باسبور دبلوماسي، و جابو حتّا رجل الأعمال العشيق ديالها، و دخلوهم لسجن الزاكي فسلا إلى حين إستكمال التحقيقات.
أزيد من ربعين محامي ليهم بجوج باش يخرجوهم أو والو، التهمة ثابتة و باش زادو كحّلوها على راسهوم، جابو عقد زواج مزوّر قالو أنهم داروه فدولة مالي غير الشقيقة هاد العام، و السيّدة باقا في ذمة السفير الكويتي الشقيق.
السفير مشا دار تحليل الحمض النووي على البنت الثانية و لقاه سلبي ماشي بنتو، و دار تحليل ثاني على البنت الأولى و تا هي طلعات ماشي بنتو، واقيلا السيّد عاقر و هو ما على بالوش.
الموشكيل هنا هو أن السيدة هند من حقّها تعيش حياتها كيف بغات، لكن راها نسات بأن العلاقات الكويتية المغربية علاقات مقدّسة، و إلى مشا حتا ساق أمير الكويت لخبار بأن واحد من الدراري ديالو تهان فشرفو و كرامتو، راه غادي يسّد علينا الروبيني، و فهاد الحالة القاضي غا يقلّب كيفاش يكيّف الجريمة إلى محاولة قلب نظام الحكم و يحكم عليها هي و السي بناني بالإعدام.
هند عرفت تستغل كل حاجه في جسمها من اجل جلب الرجال اليها مقابل الاموال والحصول على الجواز الدبلوماسي بعد تدخل اصدقائها لدى وزارة الاخليه لمنحها الجواز الدبلوماسي لكي تستطيع المرور في المطارات بدون تفتيش وكذلك جعلوها صاحبة اعمال لشركاتهم ولما سقطوا وانتهى دورهم اصبحت عاريه بلا حمايه لها فسقطت مثلهم ونقلت الى السجن