الرباط اليوم

لأول مرة.. محكمة الرباط تنتصر لمواطن ضد شرطي، لهذا السبب

الرباط اليوم: هشام شارم

في سابقة هي الأولى من نوعها عاوتاني، حسب علمي عالأقل، مواطن مغربي من الرباط عندو موطور، حكمات ليه المحكمة لصالحو ب 1500 درهم كتعويض ضد البوليس ديال السيركولاصيو فالرباط.

هاد المواطن المغربي غا يكون تا هو باينة موحامي عاد بادي أو كيحلم يولّي موحامي و حافظ القوانين و مدونة السير عن ظهر قلب.

شدو بوليسي فالطريق ما دايرش الكاسك، دّا ليه الموطور للفوريان بالديباناج، ناض هو قصد المحكمة نيشان و دعا مديرية الأمن الوطني ضد هاد الشطط في إستعمال السلطة، لأن عدم وضع الخوذة لا يستلزم الحجز على الدراجة النارية.

البوليس ديال الرباط من وصلوه لخبار كيقول بأنه كيتسنى العون القضائي يجي ينفّذ الحكم ديال هاد المواطن و بصحتو الثلاثين ألف ريال، يستاهل.
و كيقول كذلك بأنه غادي يتفاهم من بعد مع البوليسي اللي ورطوا فهاد السانك سانك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى