عفاف تصرخ: “إذا عندكم شي فيديو جنسي ديالي مع بوعشرين نشروه”

الرباط اليوم

في أول خروج لها بعد ما تسربت الأخبار حول ظهورها في أحد الفيديوهات الجنسية، التي تعرضها المحكمة على توفيق بوعشرين، مالك يومية “أخبار اليوم” وموقع”اليوم 24″، اعتبرت عفاف برناني التي كانت قد نفت أي علاقة لها مع توفيق بوعشرين، أو أن يكون قد “اعتدى عليها جنسيا”، أن “هذه الأخبار غير حقيقية وأنه لم يتم عرض أي فيديو يخصها، وأن كل ذلك مجرد انتقام منها بعد اتهامها لأحد ضباط الفرقة الوطنية الذي حرر محضر الاستماع إليها بالتزوير”.

وقالت برناني في تدوينة لها على حسابها بالفايسبوك، “داكشي اللي توقعتو هو اللي وقع، توقف ضد الزور حاجة ماشي ساهلة، وتدعي ضابط في المغرب، بالإضافة أنه يتحكم عليك السجن ما يكفيش.. قلبهم ما بردش ودازو لمرحلة أخرى هي تشويه السمعة.
البارح مشيت للمحكمة باش نشوف المحامي ديالي. شي وحدين شافوني تما ترونو؛ شفتها في عينيهم وقلت الله يدوز هاد الليلة على خير.”

وتابعت برناني، “شوية بداو كيقولو راه إحدى المشتكيات وراوها الفيديو ديالها وقالت ليهم هادي راها عفاف ماشي انا…
بدأت الهضرة كتدور من بعد ما خرجوها محاميين ديال المشتكيات …بقيت نسول المحامين ديال الأستاذ بوعشرين كلهم قالو لي هادشي ما كاينش غير الكذوب…،واللي عرفت أن البارح تعرضو فيديوهات ديال مشتكية واحدة عندها 30فيديو والقاضي قالها..قال هادو فيديوهات فلانة اللي هي المشتكية المعلومة” .
مضيفة، “ومن البارح بدات حملة في الإعلام ضدي كيقولو راه عندي فيديو.. كيكذبو علي في هذا الشهر الفضيل وهو ما حتى الفرقة الوطنية ما نسبات لي حتى فيديو حيث فعلا ما عندي حتى فيديو والله شاهد على ذلك..، سبحان الله..الفرقة ما عرفاتش الفيديو ديالي وهي اللي عرفات كلشي البنات وجاو المحامون ديال المشتكيات والصحافة ديالهم وبداو يروجو لهادشي وبمصدر مجهول..طبعا حيث ما عندهمش القدرة يقولها بوجه مكشوف.”
وقالت عفاف “لكل واحد منهم كنقول حسبي الله ونعم الوكيل فيكم..بيني وبينكم ربي فهاد الشهر الكريم ..وغادي نبقى ندعيه حتى يأخذ الحق..،طبعا غادي ندعي كل من كتب علي الكذب والبهتان وبغا يشوه سمعتي ظلما وعدوانا، وغادي نمشي المحكمة ضد كل واحد فيهم.”
وختمت برناني تدوينتها بالقول، “كنقول بأعلى صوتي ووجهي حمر ما عندي حتى فيديو وما عندي حتى علاقة لا مع الأستاذ بوعشرين ولا غيرو والى عندكم شي فيديو كيف كتقولو انا كنقول لكم نشرووووووه نشروووووووووه، واخيرا إلى نسيتو نعاودها : والله ما نشهد زوووووور
الحبس حكمتو عليا..، والشوهة والظلم بديتو فيه..، عندي الله”.