تساؤلات اليوم: شي مرات كيتبلوكالي المخ مكانبقاش نسمع
الرباط اليوم: مع إكرام الزيزاوي
كتوقعلي شي مرات كيتبلوكالي المخ مكانبقاش نسمع ابق يبانلي غي بنادم كيتحرك أكاينعازل الصوت على الصورة أ نبدي نشوف فعين كل واحد أيبانلي بلي عالمنا هذا مبني غي على المصلحة و النفاق.
كنبقى نسول راسي فين مشاو gاع دوك المبادئ لي كانو يقريونا داك دبيز كولو ديال التعاون و التراحم أبلاد الاسلام و السلم و السلام و التسامح.
آش هاد الوحشية لي ولينا عايشين فيها؟ ولينا فزمان لا ماخلصتش 3 دراهم فطوبيس عرف راسك غادي تموت.
ولاو الشباب اتجاراو اقلبو غي كي يديرو اخويو لبلاد أ يمشيو بكل غباء لتركيا على بالهم اوصلو لألمان.
علاش زعما gا هاد الحروب أ الشعب مضارب غي معا راسو أ الحوكومات أتناقضو غي معا نفسهم؟
علاش كولشي ولا باغي افهم أيدير فيها داعية و يدي اطلق علينا فالأحكام الغبية ديال أنا مسلمة و ماكانصومش أنا مسلم و لكن ختاريت عالم المثلية الجنسية؟
علاش ولينا ف زمان متهم فيه غي المظاهر أ نسينا شخصية ديال بنادم؟
علاش اكدبو علينا و اgولولنا بلاد الديموقراطية و الحرية، ومين تنوض مظاهرة تلقا الشعب اجري مراه البوليس؟
أشمن تقدم غادي تقدمو هاد البلاد أهي ماعلى بالهاش بشي حاجة سميتها الوقت؟
كيفاش بغيت بلاد التقدم أ واحد يبني و لاخور اهدم؟
علاش منطبقوش داك التعاون بيناتنا و داك التسامح لي قراونا؟
علاش منgلعوش منا الغش لي gالولنا عليه حرام أ داك النفاق لي عمرو مايزيد بينا القدام؟
أخيرا:
وليت نتعجب لبوركابي لي يشوف مرا gد مو غاديا فطريقو هازا التقل و مايعاونهاش.
وليت نتعجب لواحد اشوف بنت دايها فسوق راسها ويجبدها و بنادم كيشوف، ولكن عادي عادي كولشي ولا فزمانا عادي.
وليت نتعجب لوحدة gالسة فالطوبيس أم gلسة بزاوزها شادين جوج كراسا و كتفرج ف حناها واقفة “حني راسك للأرض”.
أشمن انسانية و أشمن خير باقي. مابقات نية وكل واحد على مصلاحتو كيجاري.
