تساؤلات اليوم

تساؤلات‏ اليوم: حروب وحروب ونفاق وجهل ؟

Ikram Zizaoui

الرباط اليوم: إكرام الزيزاوي

سلام لأرض خلقت للسلام، و ما رأت يوما سلاما!! – محمود درويش-
هو ملي تخلق الانسان وحنا عايشين حروب!!
حروب مع الذات، حروب مع المقربين، حروب مع المحيط لي عايش فيه… حروب و حروب و نفاق و جهل…
كل ما يعارض طبيعتنا كبشر كواحد الكائن يطلق عليه و يطلق على نفسه لفظ “الإنسان”
كائن مميز بالعقل، كائن يعرف عنه بالإجتماعي، كائن له مشاعر..له أحاسيس.
شي مرات كنتسائل واش هادشي بصح ولا غي أكاذيب خترعها الإنسان أ ولا مصدقها…
شي مرات كنبقى نطرح على راسي، يا ترى علاش دايرين gاع هاد المنظمات؟!..حماية حقوق الطفل حماية حقوق الإنساان….حماية.. حماية …
ههه زعما علاش نحميو انسان من انسان؟!
علاش مثلا نقتلو انسان قتل انسان باش نعلموه مايعاودش اقتل؟!
علاش منحاولوش نتعايشو بينتنا فهاد الأرض أ تكون المساوات بين البلدان أ gاع نعيشو مزيان؟!
و غيرها من الأسئلة لي كا دورلي فراسي…
و كنتعجب كيفاش gاع هاد المشاكيل وهاد شي لي ولينا عايشين فيه، وكتلقى بنادم gالس فالقهوة ضاحك ناشط على الدفيش، أكتلقى العالم كلو دايها غي فالدفيش.
كتلقا البراميج ديال لغنى و الضحك و الطبخ و الحموضة كتر من البراميج لي يقدرو يفيدو الإنسان و يتفتح و يبني الشخصية ديالو!!
فتالي لي لي كيمشي ضحية ديال هاد شي كنجمعو فالصورة لي لتحت…للأسف..
و دبا باش نختم، ولا عندي تخوف كبير من هاد العالم لي رحنا عايشين فيه، أ كي غادي يولي فالمستقبل، بحال والو غادي تختافي قوانين الانسانية و نوليو نعيشو ب قوانين غبوية… و شي ياكل شي.

11696725_1572787103036686_32876279_n

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى